İtaliyanın “Roma” klubu Səudiyyə Ərəbistanının “Əl-Əhli” komandasının keçmiş yarımmüdafiəçisi Frank Kessyeni heyətinə qatmaq niyyətindədir.
Əks-səda xəbər verir ki, bu barədə jurnalist Canluka Di Marsio məlumat yayıb.
Paytaxt təmsilçisi Fildişi Sahilindən olan 29 yaşlı futbolçunun transfer imkanlarını araşdırır. Komandanın baş məşqçisi Can Pyero Qasperini bu yarımmüdafiəçini kollektivində görməyi çox istəyir.
Qeyd edək ki, 2023-cü ilin avqustundan “Əl-Əhli”də çıxış edən F.Kessye müqavilə müddəti bitdikdən sonra azad agent statusu alıb. O, 2025/2026 mövsümündə keçirdiyi 42 matçda 12 qol vurub və 6 məhsuldar ötürmə edib.
“Transfermarkt” portalı oyunçunun dəyərini 12 milyon avro qiymətləndirir.
