Hindistan ABŞ-dən “Javelin” tank əleyhinə raket kompleksləri almağı planlaşdırır.
Əks-səda “Reuters”ə istinadən xəbər verir ki, bu barədə ABŞ-nin Hindistandakı səfiri Serjio Qor bildirib.
Agentlik planlaşdırılan sövdələşmə barədə təfərrüatları təqdim etməyib. Eyni zamanda, Vaşinqton tərəfindən təklifə verilən reaksiya məlum deyil.
Qeyd edək ki, FGM-148 Javelin (“Javelin”) ABŞ-nin tank əleyhinə raket kompleksidir. FGM-148 kompleksinin raketləri bütün növ zirehli texnikaları effektiv şəkildə vurmaq qabiliyyətinə malikdir.
Məlumata görə, bir raketin qiyməti 200 000 dollardan 250 000 dollardadək təşkil edir.
