Naxçıvanda zəncirvari qəza olub, xəsarət alanlar var

Naxçıvanda dörd avtomobilin iştirakı ilə zəncirvari qəza baş verib.

Əks-səda xəbər verir ki, hadisə Naxçıvan–Şahbuz magistralında baş verib.

Qəza zamanı “Hyundai”, “KIA”, “Niva” və “Mercedes” markalı avtomobillər toqquşub. Zəncirvari qəza nəticəsində iki nəfər xəsarət alıb.

Xəsarət alan Gülər Bayramova və Fidan Abdullazadə Naxçıvan Muxtar Respublika Xəstəxanasına yerləşdiriliblər.

Hadisə yerinə polis əməkdaşları cəlb olunub. Faktla bağlı araşdırma aparılır.