Yəmən husiləri ölkənin bütün qərb sahilini tam nəzarətə götürüblər.
Əks-səda xəbər verir ki, bu barədə “Al Jazeera” telekanalı məlumat yayıb.
Məlumata görə, husilər Qırmızı dənizin Yəmən sahilinin qalan hissəsini də tutublar, bu isə onların sahil zolağını tam nəzarətə götürmələrini təmin edib.
“Qırmızı dənizdəki əsas şəhər olan Moxanı ələ keçirən Yəmən husiləri bütün sahili nəzarətə götürüblər və dünyanın ən mühüm ticarət yollarından biri olan strateji əhəmiyyətli Bab-əl-Məndəb boğazı üzərində öz nəzarətlərini genişləndiriblər”, – telekanalın müxbiri vurğulayıb.
