Qazaxıstan Prezidenti Kasım-Jomart Tokayev koreyalı həmkarı Li Çje Myonun dəvəti ilə Koreya Respublikasına dövlət səfəri edib.
Əks-səda xəbər verir ki, bu barədə Qazaxıstan liderinin mətbuat xidməti məlumat yayıb.
Məlumatda bildirilir ki, onu Seul hava limanında Baş nazirin müavini, elm və informasiya-kommunikasiya texnologiyaları naziri Pe Gyon Xun qarşılayıb.
Tokayev Seula ötən gecə BRICS sammitində iştirak etdiyi Yeni Dehlidən birbaşa səfər edib.
Sentyabrın 15-də Seulda ali səviyyədə danışıqların keçiriləcəyi, bu zaman Qazaxıstan-Koreya genişləndirilmiş strateji tərəfdaşlığının möhkəmləndirilməsi perspektivlərinin müzakirə ediləcəyi gözlənilir.
Bundan əlavə, Prezidentin aparıcı Koreya şirkətlərinin rəhbərləri ilə görüşlərinin planlaşdırıldığı barədə də məlumat yayılıb.
Sentyabrın 16-da o, birinci “Mərkəzi Asiya – Koreya Respublikası” sammitinin işində iştirak edəcək.
