İtaliyada Latsio və Umbriya sərhədindəki Terni-Rieti avtomobil yolunda baş verən ağır avtoqəza nəticəsində 6 nəfər ölüb, 34 nəfər yaralanıb.
Əks-səda xəbər verir ki, bu barədə “Rai News” məlumat yayıb.
Məlumata görə, avtobus əks istiqamətdə hərəkət edən furqonla toqquşub. Üç minik avtomobili isə toqquşmadan yayına bilməyib və onlardan biri aşıb.
Ölənlərdən 4-ü avtobusda olub. Daha 2 nəfər isə furqonda olub – onlar Terni ətrafındakı ekskursiyadan qayıdan turistlər idi. Yaralılar xəstəxanalara yerləşdirilib.
