Liviyada PUA neft emalı zavodunda rezervuara çırpılıb

Liviyada pilotsuz uçuş aparatı (PUA) Zaviyədəki neft emalı zavodunda (NEZ) nafta qarışığı olan rezervuara çırpılıb, nəticədə sızma baş verib.

Əks-səda xəbər verir ki, bu barədə “Zawia Oil Refinery” şirkəti bildirib.

Şirkətin məlumatına görə, əməkdaşlar sızmanı lokallaşdıra biliblər. Hadisə nəticəsində yanğın və yaralananlar qeydə alınmayıb.

Şirkət NEZ-in ərazisinə yaxın məsafədə hərbi texnikanın olması ilə bağlı təhlükə barədə xəbərdarlıq edib.