Polşada abbatlığa hücum zamanı keşiş öldürülüb, yaralılar var

Polşanın Yaroslav şəhərində benediktin abbatlığının ərazisində bıçaqlı hücum nəticəsində bir keşiş ölüb, daha dörd nəfər yaralanıb.

Əks-səda xəbər verir ki, bu barədə RMF FM məlumat yayıb.

Məlumata görə, hadisə yerində beş zərərçəkən olub. Bütün yaralılar xəstəxanaya çatdırılıb. Keşişlərdən biri xəstəxanada ölüb.

Digər ikisinin vəziyyəti ağırdır.

Hücum edən şəxs saxlanılıb.