Almaniyanın Troyxtlingen şəhərində (Bavariya əyaləti -red.) vağzalın dəmir yolu xəttində partlayıcı qurğu aşkarlanıb.
Əks-səda xəbər verir ki, bu barədə “Bild” nəşri məlumat yayıb.
“Hazırda federal polisin xüsusi təyinatlı qüvvələri potensial partlayış təhlükəsi olan obyekti təhlil edir. Yol hərəkətinə qoyulan irimiqyaslı məhdudiyyətlər hələlik qüvvədə qalır. Hazırda avtomobil və dəmir yolu hərəkəti məhdudiyyətlərinin nə qədər davam edəcəyini əvvəlcədən deyə bilmərik. Alte Burqştrasse/Vettenshaymerştrasse ərazisindən uzaq durmağınızı xahiş edirik”, – polisin məlumatında bildirilib.
Troyxtlingen ərazisində qatarların hərəkəti tam dayandırılıb.
Şəhər Vaysenburq-Quntsenhauzen rayonunda yerləşir, orada təqribən 13 min sakin yaşayır.
