Xocavənddə açıq ərazidə yanğın başlayıb

Xocavənd rayonunun Qarakənd və Muğanlı kəndləri ərazisində yanğın başlayıb.

Əks-səda xəbər verir ki, yanğın açıq ərazidə qeydə alınıb.

Hadisə yerinə Xocavənd və Ağdam rayonlarının yanğından mühafizə bölmələrinin texnikası və canlı qüvvəsi cəlb olunub.

Hazırda alovun əkinə yararlı sahələrə və yaşayış məhəllələrinə keçməsinin qarşısının alınması istiqamətində tədbirlər görülür.

Yanğın baş verən ərazilərdə polis əməkdaşları da xidmətə cəlb olunublar.