Avqustun 10-da Kolumbiyada baş vermiş zəlzələ nəticəsində 304 nəfər ölüb, 4 548 nəfər yaralanıb, 426 nəfər itkin düşüb.
Əks-səda xəbər verir ki, bu rəqəmlər Təbii Fəlakət Risklərinin İdarə Edilməsi üzrə Milli Bölməsinin (UNGRD) məlumatlarında əks olunur.
Son məlumatlara görə, fəlakətdən 292 mindən çox insan zərər çəkib.
“Fövqəladə vəziyyət hazırda 15 departamentə və 472 bələdiyyəyə şamil olunur və burada 292 043 nəfəri təmsil edən təxminən 123 789 zərərçəkmiş ailə yaşayır”, – məlumatda deyilir.
Məlumata görə, avqustun 10-dan 18-i səhərə qədər ümumilikdə 356 nəfər xilas edilib, 134 342 yaşayış binası zədələnib, 29 554 bina dağılıb. Bundan əlavə, 5 808 binanın zədələndiyi, onlardan 267-sinin uçduğu bildirilir.
