Madridin “Real” klubunun hücumçusu Kilian Mbappe UEFA Çempionlar Liqası tarixinin ən yaxşı bombardirlərinin ilk beşliyinə daxil olub.
Əks-səda xəbər verir ki, Çempionlar Liqasının ümumi mərhələsinin birinci turu çərçivəsində Milan “İnter”inə qarşı keçirilən matçda Mbappe 14-cü dəqiqədə hesabı açıb.
Hücumçu üçün bu qol turnir tarixində 71-ci olub. Mbappe ispan futbolçu Raula çatıb.
Çempionlar Liqası tarixinin ən yaxşı bombardiri portuqaliyalı Kriştiano Ronaldudur, onun hesabında 140 qol var. İkinci yerdə argentinalı Lionel Messi (129), üçüncü – polyak Robert Levandovski (109), dördüncü isə fransız Kərim Benzemadır (90).
2026-cı il dünya çempionatında Mbappe turnirin ən yaxşı bombardiri olub. Fransa yığmasının səkkiz matçında onun hesabında on qol və dörd məhsuldar ötürmə var. O, həmçinin milli komandanın ən yaxşı bombardiridir – Fransa yığmasının heyətində 66 qol. O, 2018-ci ildə dünya çempionu olub.
