İranın Sistan və Bəlucistan əyalətinin İranşəhr şəhərində genişmiqyaslı atışma baş verib.
Əks-səda “Tasnim”ə istinadən xəbər verir ki, polis silahlı quldurlara qarşı əməliyyat keçirib.
Məlumata görə, əməliyyat zamanı hüquq-mühafizə orqanlarının əməkdaşları silahlı şəxslərlə qarşıdurmaya girib və nəticədə cinayətkarlar zərərsizləşdirilib.
Saxlanılan şəxslərin sayı, qarşıdurmada iştirak edənlərin vəziyyəti və hadisənin digər detalları ilə bağlı məlumatların hüquq-mühafizə orqanlarının rəsmi açıqlamasından sonra dəqiqləşdiriləcəyi qeyd olunub.
