Argentinanın San-Xuan vilayətində meşə yanğınlarının söndürülməsində istifadə olunan helikopterin qəzaya uğraması nəticəsində yeddi nəfər həlak olub.
Əks-səda xəbər verir ki, bu barədə Argentinanın Fövqəladə Hallar üzrə Federal Agentliyi və region hökuməti məlumat yayıb.
“Bu gün Fövqəladə Hallar üzrə Federal Agentliyi tərəfindən icarəyə götürülmüş “Bell 412″ helikopteri San-Xuan vilayətinin İsçiqualasto parkı ərazisində qəzaya uğrayıb”, – qurumun bəyanatında bildirilir.
Agentliyin məlumatına görə, helikopter meşə yanğınının söndürülməsinə kömək göstərmək üçün La-Rioxa vilayətinə yollanırdı. Qəza yeri digər bir hava gəmisi tərəfindən aşkar edilib.
Qəzanın səbəbləri araşdırılır.
