Almaniyanın “Bayer 04” klubunun yarımmüdafiəçisi Ezekiel Palasios karyerasını İngiltərə Premyer Liqasında davam etdirə bilər.
Əks-səda insayder Fabritsio Romanoya istinadən xəbər verir ki, 27 yaşlı argentinalı futbolçu ilə “İpsviç” maraqlanır.
İngiltərə klubu rəsmi təklifini Leverkuzen təmsilçisinə təqdim edib və cavab gözləyir.
Qeyd edək ki, E.Palasios 2020-ci ildən Bundesliqa klubunun formasını geyinir. O, ötən mövsüm keçirdiyi 25 matçda 1 məhsuldar ötürmə müəllifi olub.
“Transfermarkt” portalı oyunçunun dəyərini 25 milyon avro qiymətləndirir. Onun klubla müqaviləsinin müddəti 2030-cu ilədək nəzərdə tutulub.
