İrlandiya 43 Gürcüstan vətəndaşını ölkədən deportasiya edib.
Əks-səda xəbər verir ki, bu barədə İrlandiyanın Ədliyyə, Daxili İşlər və Miqrasiya Departamenti məlumat yayıb.
Bildirilib ki, deportasiya edilənlər arasında 33 kişi, 7 qadın və üç uşaq var.
İrlandiya polisi qeyd edib ki, deportasiya olunan kişilərdən dördünün müxtəlif cinayətlərə görə məhkumluğu var.
Deportasiya edilən Gürcüstan vətəndaşlarını daşıyan təyyarə sentyabrın 20-də Dublin hava limanından Tbilisiyə uçub.
İrlandiya hökumətinin məlumatına görə, uçuş üçün təyyarənin icarəsi və digər xərclər ümumilikdə 225 575 avro təşkil edib.
