Litva XİN-in binasında yanğın baş verib

Litva Xarici İşlər Nazirliyinin Vilnüsün mərkəzində yerləşən binasında yanğın baş verib.

Əks-səda xəbər verir ki, bu barədə yerli media Litvanın Yanğından Mühafizə və Xilasetmə Departamentinə istinadən məlumat yayıb.

İlkin məlumatlara görə, havalandırma şaxtasında tüstülənmə baş verib, lakin alov binaya yayılmayıb.

Hadisə yerinə yanğınsöndürənlər, polis və təcili yardım gəlib. Yanğını lokallaşdırmaq mümkün olub.

Xəsarət alanlar barədə məlumat verilməyib.