Salyanda 5 nəfərin xəsarət alması ilə nəticələnə yol-nəqliyyat hadisəsi baş verib.
Əks-səda xəbər verir ki, hadisə bu gün səhər saatlarında Salyan-Şirvan avtomobil yolunun rayonun Qaraçala qəsəbəsi ərazisindən keçən hissəsində qeydə alınıb. Zəncirvari qəza zamanı “İnfiniti”, “Mazda”, “VAZ-2107” markalı avtomobillər və mikroavtobus toqquşub.
İlkin məlumata görə, yol qəzası zamanı xəsarət alan 5 nəfər Şirvan Şəhər Mərkəzi Xəstəxanasına çatdırılıb.
Hazırda onların şəxsiyyəti dəqiqləşdirilir. Faktla bağlı araşdırma aparılır.
