Turinin “Yuventus” komandası İtaliya futbol çempionatının III turunun ev oyununda “Milan”la heç-heçə edib.
Əks-səda xəbər verir ki, “Allianz” stadionunda keçirilən oyun 1:1 hesabı ilə başa çatıb.
Hesabı 68-ci dəqiqədə “Milan”ın yarımmüdafiəçisi Alfaco Sisse açıb. “Yuventus”un müdafiəçisi Federiko Qatti əlavə vaxtın ikinci dəqiqəsində hesabı bərabərləşdirib.
“Milan” 3 ildən çoxdur ki, İtaliya çempionatında “Yuventus”u məğlub edə bilmir. Milan klubunun liqadakı son qələbəsi 2023-cü ilin mayında olub, o zaman Turindəki matç 1:0 hesabı ilə başa çatıb. O vaxtdan bəri “Yuventus” iki oyunda qalib gəlib və beş oyunda heç-heçə edib. 2025-ci ilin yanvarında “Milan” Turin komandasını Super Kubokda məğlub edib (2:1).
Üç turdan sonra “Milan” və “Yuventus”un hər birinin yeddi xalı var, komandalar A Seriyasında dördüncü və beşinci yerləri bölüşürlər.
