Rusiyada nəqliyyat təyyarəsi qəzaya uğrayıb, xəsarət alan var

Rusiyanın Samara vilayətində yüngül mühərrikli nəqliyyat təyyarəsi qəzaya uğrayıb, bir nəfər xəsarət alıb.

Əks-səda Rusiya Fövqəladə Hallar Nazirliyinin region üzrə Baş İdarəsinə istinadən xəbər verir ki, hadisə avqustun 12-si səhər saatlarında Koşkinsk rayonunun Novaya Jizn yaşayış məntəqəsi yaxınlığında baş verib.

Qəzada xəsarət alan şəxs xəstəxanaya yerləşdirilib. Başqa xəsarət alan və ya ölən olmayıb.

Qəzanın səbəbi və başvermə şəraiti araşdırılır.