Tramp administrasiyası Amerikanın “Apple” texnologiya şirkətini Çin istehsalçılarından yaddaş çipləri almamağa çağırıb.
Əks-səda “The Wall Street Journal”a istinadən xəbər verir ki, yaddaş çiplərinin çatışmazlığı “Apple” şirkətini Çin şirkətlərindən komponentlər almağı nəzərdən keçirməyə məcbur edir.
“Tramp administrasiyası bunu dəstəkləmir”, – ABŞ-nin ticarət naziri Hovard Latnik bildirib. O, çip çatışmazlığını həll etməyin Amerika şirkətlərinin Çin məhsullarını alması ilə yanaşı başqa yolların da olduğunu bildirib.
Latnik qeyd edib ki, mövqe birbaşa “Apple” rəhbərliyinə çatdırılıb.
Avqustun əvvəlində “The Wall Street Journal” “Apple” şirkətinin yaddaş çipləri çatışmazlığı fonunda Çin bazarında satılan cihazlarda istifadə üçün bu ölkənin CXMT şirkətinin çiplərini sınaqdan keçirdiyini bildirib.
Şirkət həmçinin süni intellekt şirkətlərindən yüksək tələbat səbəbindən çip qiymətlərinin artması ilə izah edərək qlobal miqyasda qiymətləri artırır.
Qeyd olunur ki, Çin yaddaş çiplərinin istifadəsi “Apple” şirkətinə onların çatışmazlığını azaltmağa kömək edə bilər.
