ABŞ Prezidenti Donald Tramp həftəsonunu keçirəcəyi İrlandiyada bir neçə Avropa lideri ilə görüşmək niyyətində olduğunu bildirib.
Əks-səda xəbər verir ki, bu barədə Amerika lideri Vaşinqton yaxınlığındakı Endryus hərbi bazasında Avropaya uçuş ərəfəsində jurnalistlərə danışıb.
“Avropa liderləri və digərləri ilə görüşəcəyik. Ona görə də çox maraqlı olacaq. Biz fəal şəkildə ticarət aparırıq”, – o, təfərrüatları açıqlamadan bildirib.
Ağ Ev daha əvvəl bildirib ki, Tramp 12 və 13 sentyabr tarixlərində İrlandiyada olacaq. Onun xüsusilə Baş nazir Mixol Martinlə görüşəcəyi və qolf turnirinə qatılacağı gözlənilir.
