UEFA Millətlər Liqasında keçiriləcək Azərbaycan – Lixtenşteyn oyununun hakimləri müəyyənləşib.
Əks-səda xəbər verir ki, D Liqasında 2-ci qrupun qarşılaşması Avstriyadan olan ədalət təmsilçilərinə tapşırılıb.
FIFA referisi Kristian-Petru Çokirkaya həmyerliləri Maksimilian Vays və Mihael Obritsberqer kömək göstərəcək. Dördüncü hakim funksiyasını Şafak Parmaksız yerinə yetirəcək.
VAR-da Manuel Şyuttenqruber, AVAR-da Aleksander Harkam əyləşəcəklər.
Xatırladaq ki, Azərbaycan – Lixtenşteyn oyunu oktyabrın 1-də Tofiq Bəhramov adına Respublika stadionunda, saat 20:00-da start götürəcək.
