“Formula 1” üzrə 10-cu Azərbaycan Qran-prisini izləmək üçün Bakıya 120-dən çox ölkədən azarkeş gəlib.
Əks-səda xəbər verir ki, bu barədə Bakı Şəhər Halqası Əməliyyat Şirkəti məlumat yayıb.
Bu il 17 mindən çox xarici azarkeş yarışı tribunalardan izləyib. Bu, “Formula 1″in Bakıda keçirildiyi müddətdə qeydə alınan ən yüksək göstəricidir.
Qran-pri üçün satışa çıxarılan bütün biletlər satılıb. Dörd gün ərzində ümumilikdə 92 minə yaxın ziyarət qeydə alınıb.
Xatırladaq ki, Azərbaycan Qran-prisinin qalibi “Mersedes” pilotu Corc Rassell olub.
