Nepalın Qorxa rayonunda qəfil daşqınlar evləri, körpüləri və infrastrukturu dağıdıb, dörd nəfər itkin düşüb.
Əks-səda “The Kathmandu Post” qəzetinə istinadən xəbər verir ki, fəlakət 11 oktyabr səhər Budhi-Qandaki çayında qeydə alınıb.
Güclü axın bir neçə evi, iki asma piyada körpüsünü və avtomobil körpüsünü yuyub aparıb.
Bundan əlavə, daşqın Budhi-Qanda su elektrik stansiyasının tikinti sahəsinə ciddi ziyan vurub və bəzi avadanlıqları məhv edib.
Hadisə yerində axtarış-xilasetmə əməliyyatları aparılır.
