Peruda güclü zəlzələ olub

Peruda 5.3 maqnitudalı zəlzələ baş verib.

“Əks-səda” xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, seysmik hadisənin episentri təxminən 312 min əhalisi olan Kusko şəhərindən 131 kilometr cənub-şərq istiqamətində qeydə alınıb.

Zəlzələnin ocağı 103 kilometr dərinlikdə yerləşib.

İtki və dağıntı barədə məlumat verilməyib.