“Sabah” komandası UEFA Çempionlar Liqasının əsas mərhələsində növbəti oyununu keçirib.
Əks-səda xəbər verir ki, Bakı Olimpiya Stadionunda Çexiyanın “Slaviya Praqa” komandasını qəbul edən Azərbaycan təmsilçisi 2:0 hesablı qələbə qazanıb.
Matçda ilk qolu 49-cu dəqiqədə Kahim Parris vurub. 88-ci dəqiqədə isə Coy-Lens Mikels fərqlənərək yekun hesabı müəyyənləşdirib.
Bu qələbə “Sabah”ın Çempionlar Liqasının əsas mərhələsində ilk qələbəsi olmaqla yanaşı, Azərbaycan təmsilçilərinin Çexiya klubları üzərində qazandığı ilk qələbə kimi də tarixə düşüb.
Xatırladaq ki, “Sabah” ilk matçında İngiltərədə “Mançester Yunayted”ə 0:4 hesabı ilə məğlub olub. Valdas Dambrauskasın rəhbərlik etdiyi komanda növbəti oyununu oktyabrın 20-də Almaniyanın “Borussiya Dortmund” klubu ilə keçirəcək.
