Polşada Polisin Mərkəzi İstintaq İdarəsi və Sərhəd Xidmətinin birgə əməliyyatı nəticəsində ölkədə qanunsuz yaşayan 20 əcnəbi saxlanılıb.
Əks-səda xəbər verir ki, bu barədə RMF24 məlumat yayıb.
Yoxlamalar Qnevkovo və Çexoçinekdə keçirilib. Əməliyyat əcnəbilərin regionda mümkün qanunsuz yaşaması barədə məlumatlara cavab olaraq həyata keçirilib.
Onların arasında 18 Kolumbiya, həmçinin Gürcüstan və Tacikistan vətəndaşları olub. Əcnəbilərə öz ölkələrinə qayıtmaq məcburiyyəti qoyulub. Bundan əlavə, Polşa və digər Şengen zonası ölkələrinin ərazisinə yenidən girişinə 6 aydan 2 ilə qədər müddətə qadağa qoyulması barədə qərar çıxarılıb.
