Suriyanın Homs əyalətindəki Masyaf körpüsü yaxınlığında naməlum silahlıların avtobusa atəş açması nəticəsində azı yeddi insan həlak olub, dörd nəfər yaralanıb.
Əks-səda xəbər verir ki, bu barədə SANA xəbər verib.
Məlumata görə, daxili təhlükəsizlik qüvvələri və mülki müdafiə bölmələri hadisə yerinə gəlib. Onlar ərazini mühasirəyə alıb və ölən və yaralananları təxliyə etməyə başlayıblar. Suriya daxili təhlükəsizlik qüvvələri araşdırmaya başlayıb.
Hadisə və ya hücum edənlərlə bağlı əlavə məlumat verilmir.
