ABŞ-nin Ohayo ştatının Kolumbus şəhərində məsciddə baş verən atışma nəticəsində azı bir nəfər ölüb, daha bir nəfər yaralanıb.
Əks-səda yerli “WBNS” telekanalına istinadən xəbər verir ki, hadisə yerli vaxtla saat 14:10 radələrində baş verib.
Atışma barədə məlumatı ABŞ-nin Alkoqol, Tütün, Odlu Silahlar və Partlayıcı Maddələrə Nəzarət Bürosunun (ATF) yerli bölməsi də təsdiqləyib.
“ATF-nin Kolumbus bölməsinin xüsusi agentləri məsciddə atışma baş verməsi ilə bağlı məlumatlar əsasında tədbirlər görürlər”, – deyə məlumatda bildirilib. Yaralının vəziyyəti hələlik məlum deyil.
Polisin ilkin qiymətləndirməsinə görə, hadisə məscidə məqsədli hücum xarakteri daşımayıb. Hadisənin başvermə şəraiti araşdırılır.
